پەیوەندی: 009647702581617 | info@sulycom.net

كــەرتــی تایـبەت و پــرۆسەی خوێندن

2015-10-30 14:38:55


سیروان جەلال


هەرچی لەبارەی گرنگی و بایەخی خوێندن و فێركردنەوە بوترێت، هێشتا ناتوانرێت مافی خۆی پێبدرێت، بۆیە هەموو گەلانی دونیا، لە قۆناغە جیاجیاكانی مێژوودا، خوێندن و زانستیان بە فاكتەری سەرەكی پێشكەوتن و سەرخستنی گەلەكانیان زانیوە ,بەجیاوازی تێڕوانینەكانەوە، لەلایەك زیادو لەلایەك كەمتر، گرنگی زیاتر بەم بابەتەدراوە، دەوڵەتان ساڵانەپلانی تایبەت و بودجەی زەبەلاح بۆ ئەم كەرتەی ژیان دابین دەكەن، لەگەڵ گەشەی ژیانی مرۆڤایەتی و ئازادی بازاڕو كراوەیی سیستمی حوكمڕانیدا، خوێندن و ناوەندە ئەكادیمیەكان تەنها وەك خەمێكی دەوڵەت نەما، بەڵكو بووبە خەمی گشتی و سەرمایەداران و پیاوانی كار هەروەك چۆن لەكۆی بوارەكانی ژیاندا سەرمایە گوزاریان كرد، هەرواش لەكەرتی پەروەردەو فێركردن و خوێندنی باڵا دا سەرمایەیان بەگەڕخست، تا ئەو ئاستەی بەشێكی باش لە زانكۆو پەیمانگا هەرە پێشكەوتوەكانی دنیا، سەربەكەرتی تایبەتن و سەرمایەداران بە گەڕیان خستون، زانستیانەش بەڕێوەیان دەبەن، خۆشبەختانەش هەرێمی كوردستان، سەرباری ئەو هەموو كێشەو گرفتەی كە هەبوون لە ڕابردوو دا، بەهۆی ئاسەواری جەنگ و داگیركاری دەسەڵاتە خۆسەپێن و مرۆڤ كوژەكان لە عێڕاق دا، بەڵام سەرمایەدارە نیشتمان پەروەرەكانی لەمەڕ خۆشمان، هەرزوو دركیان بە گرنگی و بایەخی ئەم لایەنە مەزنەكرد، چەندین زانكۆو پەیمانگاو ناوەندی خوێندنی ئەهلی دامەزران، كە ڕۆڵی سەرەكیان هەبووە و هەیە، لە بەرزكردنەوەی ئاستی هۆشیاری و زانستی تاكەكانی كۆمەڵ، هاوكات دەرفەتێكی شیاویان ڕەخساندوە بۆ ئەوكەسانەی كەبەهەر هۆیەكەوە بووە لە خوێندن دابڕاون، بواری خوێندیان لە دامەزراوە حكومیەكاندا نەماوە.
بۆیە ئەم دەلاقە مژدە بەخش بوو بۆ هەموان، كە جارێكی دیكە هەلی خوێندن و فێربوون و وەرگرتنی بڕوانامەی زانستی باڵای فەراهەم كرد.
بەشداریكردنی سەرمایەداران لەم كەرتەی ژیاندا، ناكرێت سوود و قازانجەكەی تەنها لەیەك لایەنەوە ببینین، بەڵكو كەڵكەكانی فرە ڕەهەندن,هاوكارو پشتیوانی حكومەتن لە ئەركێكدا كە ڕەنگبێت لەم قۆناغەدا وەك پێویست حكومەت بە جێبەجێكردنیان ڕانەگات.
لەگەڵ ئەو هەموو گرنگی و بایەخەشدا كە باسمان كرد، ناكرێت ئەوەش نەڵێین كە پێویستە حكومەت ڕادەی هاوكاری و چاودێری بۆ خوێندنی ئەهلی زیاتر بكات,بە لە ئەستۆ گرتنی بەشێك لە خەرجی خوێندكار، یان بە كار ئاسانی كردن بۆ سەرمایە داران، بۆ ئەوەی ئەوان تا بكرێت كرێی خوێندن كەمتر بكەنەوە، لە پێناو بەژداری زیاتری تاكەكانی كۆمەڵ بۆ خوێندنی ئەهلی و بار سووكی بۆ خوێندكارانیش بەڕەچاو كردنی بارودۆخی ژیانیان.
خوێندنی ئەهلی لە كوردستان، لەگەڵ بوونی سەرنج و تێبینی لەسەر شێواز و ئاستیان، (ئەڵبەتە بەجیاوازی لایەك لە لایەكی دی)، ڕاژەو دەرفەتێكی گرنگی ڕەخساندوە ,دەهێنێت بە قوڵترو فراوانتر قسەی لەسەر بكرێت و هەوڵی پێشخستنی بدرێت,بەو هیوایەی هەرێمەكەمان لەم بوارەدا، هاوشانی ووڵاتانی پێشكەوتوی دونیا بەرەو پێش بڕوات، بە داهێنان و ئەفڕاندنە زانستیەكان سەری گەلەكەمان بەرز ڕابگرین، ڕەنگبێت ئەم بابەتە پێویست بكات قسەی زۆرتری لەسەر بكرێت، بەڵام لەم دەرفەتەدا هێندە بە بەس دەزانین، بەو هیوایەی لە ئایندەدا كۆنگرەو كۆنفرانسی زانستی ببەسترێت، لەپێناو شرۆڤەو هەڵسەنگاندنی خوێندنی ئەهلی و دانانی پلانی ستراتیژی لەم ڕووەوە.






باشترین پەیمانگە لە کوردستان

Instagram Aylık oto beğeni paketi

Instagram Aylık oto beğeni paketi Nedir Ne İşe Yarar

Bu konuyu size hemen kısaca anlatmak isterim beğeni paketi aldığınız da siz fotoğraf paylaşmanız sonucu resminize otomatik olarak beğeni gitmektedir Günün 24 saati resim gönderebilirsiniz